அடுத்த நாள் காலையில் இருந்து மாலை வரை ஜித்து கார்சனை பார்க்க முடியவில்லை. டீமில் விசாரித்தபோது அவர் மற்றொரு யூனிட்டை பார்வையிட போயிருப்பதாக தகவல் வந்தது. நல்லது என நினைத்துக் கொண்டாள்.

ஐந்து மணிக்கு வேலை முடிய ஆபீசை விட்டு கெஸ்ட் ஹவுஸ் நோக்கி நடக்க ஆரம்பித்தாள்.

அடுத்து வரும் நாட்களில் கார்சனை எப்படி எதிர்கொள்வது என கவலையடைந்தாள். அவர் பேச்சும் செய்கையும் அருவருப்பானதாக இருந்தது. சரியான இம்சை என நினைத்துக்கொண்டாள்.

இன்னும் இரவு உணவுக்கு நிறைய நேரம் இருக்கிறது. என்ன செய்யலாம் என யோசித்தபடியே ரிஸப்ஷனை கடந்து போனாள்.

“மேடம்” என ஒரு குரல் கேட்டது. ரிசெப்ஷன்பெண்மணி ஒரு கவரை நீட்டினார்.     

“ஐ நீட் யுவர் சார்ஜர் டுநைட் அட் டென். லெப்ட் மைன் அட் ஆபீஸ்” கார்சனிடம் இருந்து நோட் வந்திருந்தது. 

“இந்த ஆள் திருந்த மாட்டார் என புரிந்தது.

ரூமிற்க்கு போய் உடை மாற்றி காபி போட்டு சோபாவில் உட்கார்ந்து குடிக்க ஆரம்பித்தாள்.டேபிள் மீது இருந்த லேப்டாப் சார்ஜர் கார்சனை நினைவூட்டியது. கண் மூடி யோசிக்க ஆரம்பித்தாள்.

கால் மணி நேரம் ஆனது. ரூமை விட்டு வெளியே நடந்தால் கொஞ்சம் ரிலாக்ஸாக இருக்கும் என நினைத்தாள்.

அரை கிலோமீட்டர் தூரத்தில் நதியை ஒட்டிய நார்த் கேட் இருக்கிறது. அந்த பக்கம் போகலாம் என முடிவெடுத்து மேப் பார்த்துக் கொண்டு நடக்க ஆரம்பித்தாள்.

ஒரு மணி நேரம் வாக்கிங் முடித்து ரூமுக்கு வந்து குளித்து உடை மாற்றி டின்னர் சாப்பிட டைனிங் ஹாலுக்கு போனாள்.

பெரும்பாலான டீம் மெம்பர்கள் ஏற்கெனவே வந்து சாப்பிட ஆரம்பித்திருந்தார்கள். ஜித்து போய் அவர்களோடு சேர்ந்து பேசிக்கொண்டே சாப்பிட ஆரம்பித்தாள்.

மெயின் கோர்ஸ் முடித்து சிறிது நேரம் வெளியே புல்வெளியில் அமர்ந்து போர்டு கேம்ஸ் விளையாடினார்கள். பணிப்பெண் வந்து டெசர்ட் டேபிளை ரெடி செய்ய எல்லோரும் அடுத்த ரவுண்டுக்கு தயாரானார்கள்.

ஜித்துவும் ஒரு பிளேட்டை எடுத்து கொண்டு டெசர்ட் டேபிள் இருந்த இடத்தை நோக்கி போனாள்.

“வாட் ஈஸ் ராஜூஸ் பேவரிட்? கேன் ஐ ட்ரை இட் டூ?” என மெலிதாக கார்சனின் குரல் கேட்டது.

‘லெஃப்ட் ஆர் ரைட்?” என டேபிளின் இடது மற்றும்  வலதுபுறம் கண்ணைக் காட்டி வழிந்தார்.

கட்டையில் போகிற வயதில் கழிசடை என்ன பேச்சு பேசுகிறது என வெறுத்துப் போனாள் ஜித்து.

தட்டை எடுத்துக் கொண்டு திரும்பியவர் “நீ ஸ்விம்மிங் பூல் பக்கம் வருவதில்லையா? யூ ஆர் மிஸ்ஸிங் அன் அமேசிங் வியூ” என்று சொல்லிக்கொண்டே புல்வெளி நோக்கி போனார்.

டெசர்ட் சாப்பிடும் மூட் சுத்தமாக போனது ஜித்துவுக்கு.

ஒரு தண்ணீர் பாட்டில் மட்டும் எடுத்துக் கொண்டு ரூமிற்க்கு போனாள்.

மறுநாள் ரேஷ்மியோடு லஞ்சுக்கு போனால் குறைந்தது ரெண்டு மணி நேரம் ஆகும். சீக்கிரம் தூங்கினால் தான் அதிகாலையில் எழுந்து முன்கூட்டியே கொஞ்சம் வேலை பார்க்க முடியும்.

ரிசப்ஷனுக்கு போன் செய்து ரூம் பாயை வரவழைத்து கார்சனிடம் கொடுக்க சொல்லி சார்ஜ்ர் கொடுத்தனுப்பினாள்.

அலாரத்தை செட் செய்து படுக்கையை சரி செய்து படுத்தாள். அரை மணி நேரத்தில் தூக்கம் கண்ணை அழுத்தியது. ஜன்னல் வழியே பளீரென வந்த விளக்கு வெளிச்சம் கண்ணை கூசியது. எழுந்து போய் திரைசீலையை மூடி திரும்பினாள். கணப்பொழுதில் வெளியே ஸ்விம்மிங் பூலில் கண்ட காட்சி கன்றாவியாக இருந்தது. கார்சன் தண்ணீரில் மெதுவாக இறங்கி கொண்டிருந்தார். இதுதான் அவர் சொன்ன அமேசிங் வியூவா என தலையில் அடித்துக் கொண்டாள்.

அடுத்த நாள் காலை ஜித்துவிற்கு உற்சாகமாக இருந்தது. பல வருடங்கள் கழித்து ரேஷ்மியை சந்திப்பதில் மகிழ்ச்சியாக இருந்தாள். நினைத்ததை விட சற்று சுறுசுறுப்பாக பைலை எழுதி முடித்தாள்.

மணி ஏழு ஆனது. டோர் பெல் அடித்தது. ஹவுஸ் கீப்பிங் பெண்மணி வந்தார்.

ரூமை க்ளீன் செய்து பக்கவாட்டு கதவு வழியாக ஸ்விம்மிங் பூல் பக்கம் போனார். அங்கே இருந்த பாத்ரூமை சுத்தம் செய்து டவல்களை மாற்றி, டிஷ்யூ பேப்பர் ரோல் வைத்துவிட்டு கிளம்பினார்.

அந்த ப்ளாக்கில் மூன்று அறைகள் ப வடிவில் இருக்கும். எதிரெதிர் அறைகளில் கார்சனும் ஜித்துவும் தங்கியிருக்க நடுவில் இருந்த அறை காலியாக இருந்தது. அதன் நேரெதிர்புறம் பெரிய மதில் சுவர். இந்த மூன்று அறைகளுக்கும் சேர்த்து நடுவே ஸ்விம்மிங் பூல்.

அவரவர் அறையில் இருந்து காரிடார் ஆட்டோமேட்டிக் டோர் வழியே வெளியே வந்து ஸ்விம்மிங் பூல் பக்கம் வரமுடியும். அறையின் பின் கதவை பூட்டினால் காரிடார் கதவு வழியாக மற்ற அறை ஆட்கள் உள்ளே வர முடியாது.

ஹவுஸ் கீப்பிங் பெண்மணி தினமும் ஜித்துவின் அறைக்கு வந்து வேலையை முடித்துவிட்டு அவள் அறையின் பின் கதவு வழியாக ஸ்விம்மிங் பூல் பக்கம் போய் வருவதை வழக்கமாக வைத்திருந்தார்.

காலை உணவை ரூமிலேயே சாப்பிட்டு ஆபீசுக்கு கிளம்பினாள் ஜித்து.

சற்று நேரத்தில் கார்சனும் வந்து சேர்ந்தார். பெரிதாய் எதுவும் பேச்சு வார்த்தையில்லாமல் இருவரும் பிசியாக இருந்தார்கள். பதினோரு மணியளவில் கான்பரன்ஸ் ரூமில் மீட்டிங். திரையில் மற்ற டீம் மெம்பர்கள் இருக்க, ஜித்தும் கார்சனும் பக்கத்து பக்கத்து இருக்கையில் அமர்ந்து கவனிக்க ஆரம்பித்தார்கள்.

சற்று நேரத்தில் ஒரு ஸ்னாக்ஸ் டிராலியில் காபியும் பிஸ்கட்டுகளும் வந்தது. டேபிள் மீது அந்த நாளுக்கான டிஸ்ஷன் பேப்பர்கள் இருந்தது. ஒரு செஷன் முடிந்து இரண்டாவது ஆரம்பித்தது.

இயந்திரங்களின் லைப் சைக்கிள் பற்றிய ஆலோசனை கூட்டம். மும்முரமாக கவனித்துக்கொண்டிருந்த கார்சன், சட்டென மேஜை மேலிருந்த பேப்பரில் சைக்கிள் என்ற வார்த்தையின் கீழ் ஆட்காட்டி விரலை லேசாக ஆட்டி, “என்ன?” என்றார் போல் ஜித்துவை பார்த்தார்.

சில நொடிகள் ஆயிற்று கார்சனின் செய்கை ஜித்துவிற்கு புரிவதற்கு.

சேரின் கைப்பிடியில் முட்டிக்கையை ஊன்றி இடக்கை விரல்களால் கன்னத்தை தாங்கி சற்று நேரம் தன் முக மாற்றம் கேமராவில் உறுத்தலாக தெரியாதவாறு மறைத்துக் கொண்டாள்.

கார்சன் மானிட்டர் பக்கம் திரும்பி அமர்ந்து கொண்டார். அந்த முதுகிலும் ஆயிரம் கண்கள் இருப்பதாக தோன்றியது ஜித்துவுக்கு.