கோல்கப்பா : என்ன குமாரி? அரசியல் நிலவரமெல்லாம் எப்படி இருக்கு?

பூரி குமாரி : அமோகமா இருக்குங்க. ஆமோதிக்குறீங்கன்னா கைய உயர்த்துங்க!

கோல்கப்பா : ஏண்டி, நான் ஒருத்தன் தானே இருக்கேன். கூட்டத்தை பாத்து பேசுற மாதிரி சொல்லுற?

பூரி குமாரி : எழுதி வெச்சுக்குங்க, எழுதி வெச்சுக்குங்க..உங்க கை கறை படிஞ்சி இருக்குறதால தான் நீங்க கைய தூக்க மாட்டேங்குறீங்க!

கோல்கப்பா : மிச்சத்தை நானே சொல்லிடுறேன்..அதனால தான் மக்கள் தேர்தல் அரசியல்லர்ந்து சிலரை தூக்கி போட்டுட்டாங்க..சரியா?

பூரி குமாரி : ஹிஹிஹி…நான் தான் பாதிக்கப்பட்டு இருக்கேன் நெனச்சேன்..நீங்களுமா?

கோல்கப்பா : ஏண்டி, நாம ரெண்டு பெரும் ஒண்ணா தானே டெய்லி சட்டசபை லைவ் பாக்குறோம்?

பூரி குமாரி : என்னமோ போங்க கோல். ஆளும் கட்சியும் எதிர்க்கட்சிகளும் ஆக்கபூர்வமான விவாதங்களை செய்யாம சும்மா நச நசன்னு பேசிகிட்டு இருக்காங்க.

கோல்கப்பா : வாயில வடை சுடுறீங்கன்னு ரெண்டு தரப்பும் மாத்தி மாத்தி சொல்லறீங்களே, இதை பாக்குற ஜனங்க என்ன நினைப்பாங்கன்னு சபாநாயகர் வருத்தப்பட்டு கமெண்ட் பண்ற அளவுக்கு தான் நிலவரம் இருக்கு.

பூரி குமாரி :வடைன்னு பேசுறவங்களுக்கு பாயசத்தை போடுவோம் கோல். மக்களே, இடை தேர்தலை பெரிதும் நம்பி இருக்கும் ஆளும் கட்சியின் நடவடிக்கைகளை “மாங்குயிலே பூங்குயிலே” என்ற பாடலை தழுவி நகைச்சுவையாக எழுதி இருக்கிறோம். படித்தும் சிறிதும் மகிழுங்கள். நன்றி.

ஆளும் கட்சி :

காலி தொகுதி..மீதி தொகுதி..
சேதி ஒண்ணு கேளு!
உன்ன ஓட்டு கேக்க தேடி வரும்
நாளு எந்த நாளு?

காலி தொகுதி..மீதி தொகுதி..
சேதி ஒண்ணு கேளு!
உன்ன ஓட்டு கேக்க தேடி வரும்
நாளு எந்த நாளு?

குத்து குத்து.. ஓட்டாலே..
நான் எட்டி பிடிப்பேன்..டோட்டலே..

காலி தொகுதி..மீதி தொகுதி..
சேதி ஒண்ணு கேளு!
உன்ன ஓட்டு கேக்க தேடி வரும்
நாளு எந்த நாளு?

புட்டு புட்டு வெளக்கி
சொல்ல ஏகப்பட்ட வம்பு!

அத லிஸ்டெடுத்து பைல்ல
வெச்சா பொங்குதடி தெம்பு!

மீட்டெடுத்து குடுத்த
அந்த பரந்தூரு ஊரு!

இப்போ, திட்டம் கொஞ்சம்
மாறுதடி..என்ன பாடு ஜோரு!

கண்ணுக்கழகா, மண்ணு சிரிச்சா,
சன்னு மனச, சுட்டு எரிச்சா..

தன்னந்தனியா ஆட்சி அமைச்சா,
கண்ணில் விரலை ஆட்டி கொடைஞ்சா..

ஏறெடுத்து பார்த்து,
யம்மா, என் சின்னத்துக்கு குத்து!

சீரெடுத்து வாரேன்,
யம்மா, பாத்து என்னை தேத்து!

காத்தடிக்கும்
கருவூல நிலைக்கு,
நிச்சயம் பதிலு
சொல்லிடும் விசிலு!

காலி தொகுதி..மீதி தொகுதி..
சேதி ஒண்ணு கேளு!
உன்ன ஓட்டு கேக்க தேடி வரும்
நாளு எந்த நாளு?

ஒன்ன மறந்திருக்க
ஒரு பொழுதும் அறியேன்!

எம்மா, எண்ணி வெரல விட்டு
வேறெதையும் தெரியேன்!

நெஞ்சத்தில குடியிருக்கும், பஞ்சு
மனசு பேன்ஸு!

யம்மா, இங்க அங்க பேசி
வரும் மீதியிருக்கும் ப்ளான்ஸு!

முறியடிப்போம்
சிண்டு சேட்டை!

பாய்ந்து கடப்போம்
பெரும்பான்மை கோட்டை !

சலவை செய்ய தான்
தேடி அழைச்சேன்!

சம்மதம்னு
சொல்லு தொகுதீ!

பிரச்சாரத்துக்கு வாரேன்..
யம்மா, பில்டப்பூ தாரேன்!

நம்பி நீயும் போட்டா..
யம்மா, மீதி வழி போறேன்!

மத்ததை மறந்து, போடணும் எனக்கு..
உங்கண்ணன் கணக்கு, மொத்தமும் உனக்கு!

காலி தொகுதி..மீதி தொகுதி..
சேதி ஒண்ணு கேளு!
உன்ன ஓட்டு கேக்க தேடி வரும்
நாளு எந்த நாளு?

காலி தொகுதி..மீதி தொகுதி..
சேதி ஒண்ணு கேளு!
உன்ன ஓட்டு கேக்க தேடி வரும்
நாளு எந்த நாளு?

குத்து குத்து.. ஓட்டாலே..
நான் எட்டி பிடிப்பேன்..டோட்டலே..

காலி தொகுதி..மீதி தொகுதி..
சேதி ஒண்ணு கேளு!
உன்ன ஓட்டு கேக்க தேடி வரும்
நாளு எந்த நாளு?